:) بسم الله الرحمن الرحيم دا فى الاول يعنى

انا فى اولى اداب انجلش وبصراحه انا مش فاهمه اى حاجه فى اى حاجه
وحاسه ان الماده صعبه عليا يمكن يكون علشان اللخبطه اللى بتحصل فى الاول وكدا
بس بجد انا نفسى فى حد يعرفنى على قسم انجلش دا ويقولى المواد بتاعته
ويقولى اصعبها واسهلها علشان الواحد يذاكر من الاول كدا ويبقى على نور
ياريت لو سمحت اللى يشوف الموضوع يرد عليه لو كان عنده اى خلفيه
وبما اننا فى جامعه واحدا يعنى انا هاسيب ايميلى اللى ممكن يعطف عليا وييجى يعرفنى على القسم فى الجامعه مش عندى اى مانع بس ياريت حد يرد عليا ضروررررررررررررررررررررررررررررررررررررررررررررررر رررررررررى

اهلا بيكى داليندا اولا انا مش من القسم بس ليا ناس اصحابى فيه وبيقولو سهل وكويس وثانيا مفيش حاجه صعبه اطلقا وبالمذكره كلو حيبقا تمام انما انتى متلغبطة عشان دخله على مرحله جديده من التعليم مش اكتر وربنا يوفقيك

انا وليد 3 اداب انجليزى و الحمد لله القسم ساهل جدااا وبجد اللى يقولك انه صعب يبقى بيضحك عليكى.....بس انتى اجتهدى شويه وربنا يوفقك و لو وقف معاااكى اى حاجه انا موجود
to be or not tobe that is what must we think

السلام عليكم ورحمة الله وبركاته
اختي العزيزه انا في اداب انجليش معاكي لكن في الترم الثاني
اهم شيء بس ركزي علي التطبيقات بتاعت المحاضرات هي اللي بيجي منها الامتحانات خاصتا في مادة الترجمه
ومش تقلقي المواد سهله بس انتي اول ترم فطبيعي تكوني كده كلنا كنا كده بس اهم شيء ذاكري من المحاضرات والتطبيقات وسيبك من الكتب وراجعي دايما باستمرار علشان مش تنسي وربنا معاكي ومعانا
لو في شيء احتاجتي للسؤال عليه ابعتلي وانا هرد عليكي علطول بس اهم شيء المذكرات والتطبيقات
وشكرا

ostaz waleed
7adretak 3 adab english w kateb el signature ghalat ? wel kolya sahla
t3alu 3ndena adab el cahera hya de adab english 3la 2usolha
2wel mara 2sm3 en adab english sahla
w m3lesh ana kont fe language school w ba2ul kda delw2ty

To be or not to be that is what we must think about :D
or that's the question 3la ra2e Shakespeare

ممكن اى حد بيقولنا ايه المواد اللى بندرسها فى سنه اولى علشان نفهم من الاول؟

مبدأيا اهلا بيك\ى فى القسم مع انى نفسى اسأل حولت\ى ازاى هو اصلا ينفع التحويل من كليات او اقسام تانية لقسم الانجليزى
عموما مبروك مقدما وان شاء الله تحول\ى لينا ويعدو عليك\ى الاربع سنين الجايين دول حلوين
---------------------------------------------------------------------------
المقرر يا سيدى او ستى
--------------------------
فى مقررات دراسية ممتدة ومنفصلة
---------------------------------------------
فى الفرقة الاولى
-----------------------
بيدوك\ى مقال بقى وتدريبات كأى سنة اولى فى حاجة لازم يعملولك مراجعة لكل اللى فات
وطبعا أعمال السنة لأن قسم الانجليزى بشكل خاص واللغات بشكل عام فيهم درجات اعمال سنة
ولازم متغيبش كتير
----------------------------------------------------
اما المقررات المنفصلة فى الفرقة الاولى فى الفصل الدراسى الاول
-------------------------------------------------------------------------
بيدوك\ى الرواية وبيدوك\ى فيه روايتين من ادب الرواية الكلاسيكى وثلاث قصص قصيرة امريكية او انجليزية او عالمية
وبتدرس\ى كمان لغة تانية على حسب لغتك التانية فى ثانوية العامة على ما اظن
يا فرنسى يا المانى
وبتدرس\ى تاريخ الادب الانجليزى
وبتدرس\ى نصوص وتلخيص وفيه بيدربك على تنمية المهارات اللغوية ليك
-------------------------------------------------
طبعا المناهج الممتدة معاك على طول طول الاربع سنين
اما بقى المناهج المنفصلة فبتختلف من سنة لسنة ومن ترم لترم
ففى الترم التانى المناهج المنفصلة للفرقة الاولى :
------------------------------------------------------
مدخل للدراما وبيديت تعريف كامل للفن المسرحى وحوار شعرى ونثرى
ومدخل للشعر وبيديك فكرة للى حتدرسة فى تانية وتالته ورابعة بداية من القرن الخامس عشر الى القرن العشرين ومراحلتطور الشعر الانجليزى
وطبعا بتاخد\ى ترجمة منالعربى للانجليزى والعكس
وطبعا بتاخد\ى عربى كشعر وادب مقارن
-------------------------------------------------------------------
اتمنى اكون افادتك ولو عايز\ة باقى المناهج بتاعة الفرق التالية معنديش مانع
وان شاء الله بتهيألى لما تعمل\ى الورق بتاع التحويل حيديك\ى كتاب فى كل حاجة عايز\ة تسأل\ى فيه

بليز يا جماعة انتم جامعة ايه ؟ ولو فى حد جامعة كفر الشيخ ياريت يتواصل معايا

السلام عليكم ورحمة الله:
إيه رأيك أعرض عليكى عرض كويس أوى:
تييييجى نبدل؟!!!
أنا فى رابعة فلسفة على إستعداد تام إنى أبدأ سنة أولى فى قسم إنجليش وإنتى تبقى فى رابعة فلسقة ،إيييييييييه رأيك؟!!!!
حبيت بس أقوللك إنك فى نعمة إنتى مش مقدراها،كان حلم حياتى أخش إنجليش بس الحمد لله النصيب.
إستعينى بالله بس والإنجليش مش تعليم هو متعة.

الحمدلله علي كل شيء

ربنا يوفق الجميع

بليز يا جماعة انتم جامعة ايه ؟ ولو فى حد جامعة كفر الشيخ ياريت يتواصل معايا

احنا فى جامعة مية غمر :D عرفها!

ودي هتلقيها فى المطريه :cool:

بليز يا جماعة انتم جامعة ايه ؟ ولو فى حد جامعة كفر الشيخ ياريت يتواصل معايا
ايوة يا بنوتة احنا جامعة عين شمس هنا ............;)

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: ((مِنْ حُسْنِ إِسْلامِ الْمَرْءِ تَرْكُهُ مَا لا يعنيه))

ومن تدخل فيما ما لا يعنيه سمع ما لا يرضي ;)

بعد ازنكم ضروري جدا عايزة اعرف تسلسل ارقام جلوس الفرقة الاول مع العلم اني الاسم فلاول يعني حرف الالف حد يرد عليا ضروريييييييييييييييييي جدا

اية يجماعة هو مفيش حد فلقسم هنا فلمنتدي ولا اية

السلام عليكم ورحمة الله .. أختنا الكريمة اللي بتسأل عن كلية الآداب - انجليزي ..
انا في كلية الآداب قسم اللغة الإنجليزية - جامعة جنوب الوادي - فرع أسوان - الفرقة الرابعة ..
أولا : الكلية محتاجة بذل الجهد و المذاكرة كأي كلية تانية .. بس المهم حضور المحاضرات و الإنصات للدكتور
و تانيا : المواد أغلبها بتركز على الأدب الإنجليزي رواية و مسرحية و نقد و شعر .. و فيه مواد تانية خاصة بالصوتيات
و القواعد و كتابة المقال .. يعني فيها مواد تتحفظ و فيه مواد تتفهم ..
المهم إنك تعرفي طريقة الدكتور في الأمتحان و بيركز على ايه و ايه اللي بيكرره في كل امتحان .. و علشان انتي لسه في سنة أولى ممكن تعرفي المعلومات دي عن طريق زملائك اللي أقدم منك في سنة ثانية أو تالثة أو رابعة ..
تسأليهم عن الدكاترة و طريقة امتحاناتهم .. وممكن تيجبي منيهم امتحانات بتاعت السنين اللي فاتت .. و تبصي عليها
و تتعرفي على طريقة الامتحان .. صدقيني حتعرفي تبدأي المذاكرة بعديها ..
و شدي حيلك و ربنا يوفق الجميع ...

بصى عن تجربة اهم حاجة التوفيق لا مذاكرة ولا اى حاجة يعنى مثلا الواحد لماذاكر كتير جاب جيد
ولما ذاكرت نص نص جبت جيد جدا وامتياز واى حد عايز حاجة فى جامعة كفر الشيخ انا ان شاء الله
هقدر اساعد واسالوا على ابراهيم عبد القوى بدر فى 3 اداب انجليزى والف واحد هيدلكم